میدان ښار کې د ترانسپورتي ترمینل پروژې د پرمختیایي چارو څار ترسره شو
۱۴۴۷/۳/۱۴
میدان ښار کې د کور او ښار جوړولو ریاست محترم رئیس مولوي عبدالقیوم سیف العمر وایي، د ریاست اړوند تخنیکي او مسلکي ټیم یې د دغه ولایت په مرکز میدان ښار کې د پروژې په ساحه کې د پرمختیایي چارو څارنه وکړه.
محترم مولوي سیف العمر وایي، د ترمینل په لویدیځه خوا کې د کرسي د ډبرو کارونه روان دي او دغه برخه د ترمینل د بنسټ د پیاوړتیا لپاره مهمه ده.
نوموړی وایي، د دېوال په پاسنۍ برخه کې د RCC کانکریټ اچولو او د سیم تړلو چارې د اوبو د مخنیوي لپاره ترسره شوي، چې په ځانګړې توګه د اوبو له زیان رسولو څخه د ترمینل خوندیتوب تضمینوي.
د کانکرېټ د ښه کیفیت د ساتلو لپاره په منظمه توګه کار روان دی چې دا به د ترمینل د ودانۍ د اوږدمهاله مقاومت په برخه کې مهم رول ولوبوي.
د کور او ښار جوړولو وزارت د پروژو له چارو څارنه کوي او له کیفیت او بهتروالي یې ځان ډاډمنوي.
