فاریاب کې یوه تعلیمي پروژه ګټې اخیستنې ته وسپارل شوه
ښارجوړولو او ځمکو وزارت د فاریاب ولایت په ګرزیوان ولسوالۍ کې د دهمیران ۱۶ صنفي ښوونځي رغنیزې چارې بشپړې او ګټې اخیستنې ته یې وسپاره.
د دهمیران ۱۶ صنفي ښوونځی په ۷۴۳ متر مربع ځمکه کې په دوه پوړونو د ۳۲ میلیونه او ۹۰۰ زره افغانیو په ارزښت د پوهنې وزارت له پراختیايي بودیجې جوړ شوی دی.
ښارجوړولو او ځمکو وزارت د هېواد په کچه د روغتیايي مرکزونو، د دولتي ادارو ودانیو، ورزشي سټډیمونو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې رغنده رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
###
