فاریاب ولایت کې د مهاجرینو ښارګوټي لپاره تفصیلي پلان جوړ شو
۱۴۴۶/۰۸/۰۴
د کور او ښار جوړولو وزارت د سروې او جي ای، ایس ریاست محترم رئیس حافظ انجنیر محمد یو سف لطیف وایي، د وزارت له لوري د مهاجرینو د ښارګوټو د تخنیکي چارو د ژر او پر وخت ترسره کېدو په موخه د دوی په مشرۍ د (مهاجرینو چارو عملیاتي کمېټه) جوړه شوې چې، هڅې یې پل کړي، تر څو ټولې ورسپارل شوې چارې په سمه توګه او خپل وخت ترسره شي.
ښاغلی انجنیر لطیف وایي، د همدغې تخنیکي کمېټې د غړو په هڅو او زیار یې فاریاب ولایت کې د مهاجرینو د ښارګوټي د تفصیلي پلان چارې بشپړې کړې.
نوموړی وایي، یاد ښارګوټي د فاریاب په دولت اباد ولسوالۍ کې موقعیت لري چې، په څلور زره (4000) جریبه ځمکه کې ورته تفصیلي پلان جوړ شو.
هغه وایي، دغه پلان کې دوه زره، شپږ سوه او شل (2620) نمرې په پام کې نیول شوي چې، شپږویشت زره او دوه سوه (26200) اشخاصو ظرفیت به ولري.
د کور او ښار جوړولو وزارت هڅې پیل کړي چې، د مهاجرینو د ارام اوسېدو په موخه ورسپارل شوې دندې او مسؤلیتونه په سمه توګه او لږ وخت کې سرته ورسوي.
