فارياب ولايت کې له ۱۵۰ زره جريبو څخه زياته ځمکه سروې او ثبت شوه
ښار جوړولو او ځمکو وزارت د دولتي ځمکو د بانک له پيل راهيسې په فارياب ولايت کې ۱۵۱۱۳۷ جريبه ځمکه او دولتي املاک سروې او ثبت کړل.
له دې ډلې څخه په ۳۲ قطعو کې ۱۳۶۷۱۸ جريبه سپينه دولتي ځمکه او په ۱۰۸ قطعو کې ۱۴۴۱۹ جريبه د دولت تر استفادې لاندې عامه ملکيتونه دي چې د فارياب ولايت په مرکز او بېلابېلو ولسواليو کې موقعيت لري.
ښار جوړولو او ځمکو وزارت تر دې دمه د هېواد په ۲۸ ولایتونو کې څه باندې څلور مېلیونه ۶۰۰ زره جریبه دولتي ځمکې او د دولت تر استفادې لاندې عامه ملکیتونه سروې او ثبت کړي دی.
