غور کې د ساينس مرکز اداري ودانۍ د جوړېدو چارې نږدې ۹۰ سلنه بشپړې شوې
ښار جوړولو او ځمکو وزارت په غور ولايت کې د ساينس مرکز اداري ودانۍ د جوړېدو چارې تر ۸۹ سلنه رسولي او ډېر ژر به يې ګټې اخېستنې ته وسپاري.
دا ودانۍ په ۷۱۵ متر مربع ځمکه کې جوړيږي چې دوه اداري خونې، يو روزنيز مرکز، يوه تحويلخانه، يو پخلنځای، يو خوړنځای، ۲۱ تشنابونه، يوه لکچر خونه، څلور درسي خونې، يوه د ماشومانو د لوبو خونه، لابراتوار، يو څېړنيز مرکز، د څښلو اوبو څاه، يوه د سپتک څاه او د احاطې ديوال لري.
دا اداري ودانۍ په درې پوړيز ډول د ښار جوړولو او ځمکو وزارت له انکشافي بوديجې څخه په ۲۸ ميليونه ۱۰۰ زره افغانۍ رغول کيږي.
