غزني کې د یوې دینې پروژې رغنیزې چارې دوام لري
ښارجوړولو او ځمکو وزارت د رغنیزو پروژې د تطبیق په لړ کې د غزني ولایت په مرکز قلعه شهاده کې د ابوالفضل جومات رغنیزې چارې ۳۰ سلنه بشپړې کړې دي.
دا جومات په ۴۹۰ متر مربع ځمکه کې په دوه پوړونو د ۲۹ میلیونه او ۳۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
ښارجوړولو او ځمکو وزارت د هېواد په کچه د دولتي ادارو ودانیو، لوبغالو، کتابتونونو، موزیمونو، وړکتونونو، جوماتونو او تعلیمي او تحصیلي مرکزونو په جوړولو کې خورا مهم رول لوبولی او د ټولګټو پروژو تطبیق د دې وزارت په کاري لومړیتوبونو کې ځای لري.
###
