غزني ولایت کې د ښاري تخلفاتو مخنیوی وشو
۱۴۴۶/۰۶/۳
د کور او ښار جوړولو وزارت د ښاري تخلفاتو مخنیوي ریاست محترم رئیس مولوي عبدالمنان حقاني وایي، په ټولو ولایتونو کې یې د ښاري تخلفاتو پېژندګلوۍ او مخنیوي لړۍ پیل کړې، چې په دغه ترڅ کې یې د غزني ولایت کې هم د ځینو ښاري تخلفاتو مخنیوی وکړ.
ښاغلی مولوي حقاني وایي، د غزني په ښار کې یې د د درېیم پلان له ساحې څخه لیدنه وکړه، چې په خبره یې یوه ودانۍ د ویزه شوې نقشې خلاف جوړه شوې چې مالک ته یې لازمې لارښوونې وشوې.
په ولایتونو کې د ښاري تخلفاتو د مخنیوي ټیمونه وایي، د هڅو له برکته یې د ښاري سرغړونو کچه په راکمېدو ده او خلکو ته عامه پوهاوی ورکوي.
د کور او ښار جوړولو وزارت له لومړیتوبو ده چې د منظمې ښارې ودې او پراختیا لپاره زمینه برابره کړي.
