سرپُل ولایت کې د یو نیمه خصوصي سوداګریز مارکېټ له ودانیزو چارو تخنیکي او فني ارزونه ترسره شوه
۱۴۴۷/۹/۱۳
سرپُل ولایت کې د کور او ښار جوړولو محترم ریاست د تخنیکي ټیم له لوري، د سرپُل ښار په لومړۍ ناحیه کې، د یو نیمه خصوصي مشارکتي سوداګریز مارکېټ له ودانیزو چارو تخنیکي او فني څارنه او ارزونه ترسره شوه.
یاده پروژه د کور او ښار جوړولو ریاست او د مارکېټ د مالک ترمنځ د لاسلیک شوي پروتوکول له مخې، د یاد ولایت د ښاروالۍ په مشارکت عملي کېږي.
د کور او ښار جوړولو ریاست اړوندو تخنیکي کسانو یې د همدې هوکړې پر بنسټ د چارو رسمي څارنه او مراقبت ترسره کړ.
د لیدنې پر مهال ثابته شوه، چې دمګړۍ د یاد مارکېټ د لومړي جاینت د سیخ تړلو چارې بشپړې شو او د دوهم جاینت د ستنو د سیخ تړلو کار هم بشپړ شوی دی.
دغه راز، د درېیم جاینت د تهکوي چت د قالب تړلو چارې روانې وې او همدارنګه د بیمونو او چت د سیخ تړلو چارې هم تر کار لاندې وې.
د ترسره شوې ارزونې له مخې، د چت او بیمونو په سیخ تړلو کې د سیخونو شمېر او ترتیب د ویزه شویو نقشو او تخنیکي اصولو سره سم برابر و او کوم تخنیکي تغیر ونه لیدل شو.
تمه ده چې د پروژې پاتې چارې به هم د منظور شوو نقشو او معیاري ودانیزو اصولو مطابق پر مخ یووړل شي، څو یاده تجارتي ودانۍ په ټاکلي وخت او لازم کیفیت بشپړه او ګټې اخیستنې ته وسپارل شي.
