زابل له ۲۳۰ زره جريبو څخه زياته دولتي ځمکه سروې او ثبت شوه
ښار جوړولو او ځمکو وزارت تر اوسه په زابل ولايت کې ۲۳۰ زره او ۴۳۱ جريبه ځمکه او دولتي املاک سروې او ثبت کړي دي.
له دې ډلې څخه په ۱۱۴ قطعو کې ۲۲۵۳۳۵ جريبه سپينه دولتي ځمکه او په ۵۶ قطعو کې ۵۰۹۶ جريبه دولتي املاک دي چې د زابل ولايت په مرکز او بيلابيلو ولسواليو کې موقعيت لري.
ښار جوړولو او ځمکو وزارت تر اوسه د هېواد په ټولو ولايتونو کې په ۵۷۳۲ قطعو کې ۵ ميليونه ۱۱۲ زره او ۳۶ جريبه ځمکه او دولتي املاک سروې، نقشه او ثبت کړي دي.
