د ۱۴۰۰ مالي کال بودجې کمېټې درېیمه ناسته وشوه
د ښار جوړولو او ځمکو وزارت په کنفرانسونو تالار کې د ۱۴۰۰ مالي کال بودجې کمېټې درېیمه ناست د دې وزارت د مالي، څارنې او ساتنې، تدارکاتو، بشري سرچینو، اداري او داخلي څار برنامو رئیسانو او امرینو په ګډون تر سره شوه.
د ناستې پر مهال د ۱۴۰۰ مالي کال په لړ کې د ښار جوړولو او ځمکو وزارت د عادي او پرمختیايي بودجې مصرف د څرنګوالي په اړه خبرې وشوې او د مالي څانګې مسوولانو د دې وزارت د عادي او پرمختیايي بودجې د مصرف میزان په اړه معلومات ورکړل.
په یاده ناسته کې د عادي او پرمختیايي بودجې پر وړاندې د شته خنډونو او ستونزو په اړه هم خبرې وشوې او ګډونوالو پهکې د مطرح شویو موضوعاتو په اړه خپل نظرونه او وړاندیزونه وړاندې کړل. همداراز، د ښار جوړولو او ځمکو وزارت د مالي، برنامو او پروژو ریاستونو تر منځ په لا همغږۍ ټینګار وشو.
