د ۱۰۹ جریبه دولتي ځمکې د ګټې اخیستنې حق نورو ادارو ته ولیږدول شو
ښارجوړولو او ځمکو وزارت متقاضي ادارو ته د دولتي ځمکو د لیږد په دوام، ۱۰۹ جریبه دولتي ځمکه نورو ادارو ته ولیږدوله ، چې له دې شمېر څخه ۲ جریبه د فاریاب ولایت میمنې ولسوالۍ کې د ښځینه بڼ رغولو په موخه د ښځو چارو وزارت ته ، ۳۰ جریبه ځمکه د لوګر ولایت محمد آغې ولسوالۍ کې د کرکټ میدان رغولو په موخه د کرکټ بورد ادارې ته، ۷۱ جریبه ځمکه پروان ولایت کوه صافي ولسوالۍ کې د یو څلویښت ښوونځيو رغولو په موخه پوهنې وزارت ته، او ۶ جریبه ځمکه د کابل ولایت په سروبی ولسوالۍ کې د صنعتي او تفریخي پارک رغولو په موخه صنعت او تجارت وزارت ته لیږدولې ده. ښارجوړولو او ځمکو وزارت د ټولګټو پروژو پلي کېدو په موخه، دولتي ځمکې نورو ادارو ته لیږدوي تر څو د پروژو رغولو سره، عامه خدومات ښاریانو ته وړاندې کړي
