د کونړ اسعد اباد ښار د ښاري پراختیا په موخه د بهسازۍ پلان جوړولو لپاره توپوګرافي سروې ترسره شوه
۱۴۴۷/۹/۱۸
کونړ ولایت کې د کور او ښار جوړولو د محترم ریاست اړوند تخنیکي او مسلکي ټیم له لوري د اسعد اباد ښار په لومړۍ ناحیه کې د (دوشاخېلو) له سیمې څخه تر (کړمار) ساحې پورې د بهسازۍ (ښاري اصلاحاتو) پلان د جوړولو په موخه توپوګرافیکي تخنیکي سروې په بریالیتوب سره ترسره شوه.
یاده سروې د ښار د منظمې پراختیا، معیاري سړک جوړولو، د اوبو ایستلو سیستم، شنو ساحو، عامه تأسیساتو او راتلونکو زیربنایي پروژو د دقیق پلان جوړولو لپاره بنسټیز اهمیت لري.
تخنیکي ټیم د سیمې د ځمکنۍ کچې، لوړو او ژورو، موجوده تاسیساتو، سړکونو، استوګنیزو بلاکونو او طبیعي مسیرونو اندازهګیري وکړه، څو راتلونکی تفصیلي پلان پر واقعي معلوماتو ولاړ وي.
د دې بهسازۍ پلان له تطبیق وروسته به یاده سیمه له غیرمنظم حالت څخه منظم ښاري چوکاټ ته داخله شي، چې له امله به یې د اوسېدونکو لپاره د تګ راتګ اسانتیاوې، د چاپېریال ښهوالی، د ملکیتونو ارزښت لوړوالی او د نستاً ښو ښاري خدمتونو وړاندې کول به تضمین شي.
ټاکل شوې ده چې د توپوګرافي سروې له بشپړېدو وروسته به د سیمې تفصیلي ښاري پلان ترتیب او له منظورۍ وروسته به د مرحلو له مخې عملي چارې یې پیل شي.
