د کور او ښار جوړولو وزیر د پکتیا له ولسي خلکو سره وکتل

org_admin
چهارشنبه ۱۴۰۳/۲/۲۶ - ۱۵:۴۵
عکس

۱۴۴۵/۱۱/۰۶

د کور او ښار جوړولو وزارت محترم سرپرست وزیر شیخ حمدالله نعماني، په خپل کاري دفتر کې د پکتیا ولسي خلکو سره وکتل او پر یو شمېر موضوعاتو یې خبرې اترې وکړې.

په پیل کې، د پکتیا د قومي مشرانو په استازیتوب ښاغلي  حاجي محمد شفیق طوطاخیل د یاد ولایت په سید کرم ولسوالۍ کې د شته بېلا بېلو ستونزو، او وړاندیزونو یادونه وکړه او د حل برخه کې یې د کور او ښار جوړولو وزارت د محترم مقام د پاملرنې غوښتنه وکړه.

د تګ راتګ لارې، کرنیزې ځمکې، چکډیمونه، تفریحي پارک، سوداګریزې او هستوګنیزې ساحې او په ټوله کې د پلانونو برخو کې شته ستونزې هغه موارد وو، چې یادو قومي مشرانو یې یادونه وکړه او د حل لپاره یې غوښتنې درلودې.

د کور او ښار جوړولو وزارت محترم سرپرست وزیر شیخ حمدالله نعماني د پکتیا ولسي خلکو ته د ښه راغلاست ترڅنګ ډاډ ورکړ چې کوم موارد د کور او ښار جوړولو وزارت اړوند وي، دوی به سرته ورسوي، خو هغه چې د نورو وزارتونو او یا ادارو اړوند کېږي، په خبره یې ښه به دا وي چې یادو وزارتونو ته مراجعه وشي.

ښاغلي شیخ حمدالله نعماني وویل، سږ کال اراده لري چې د هېواد په کچه د هر ولایت څلور څلور ولسوالیو لپاره پلان جوړ کړي او د هر ښار سروې وکړي چې راتلونکي کې به ورته پلان جوړ شي.

پر همدې بنست ښاغلي نعماني، له ولسي خلکو وغوښتل چې په خپلو سیمو کې د شته ستونزو د حل لپاره د کور او ښار جوړولو وزارت ته لیکلی وړاندیز وکړي، دوی به پرې رسمي حکم ورکړي او اړوندې ادارې به لاس په کار شي، تر څو د خلکو ستونزې حل شي.

نوموړي زیاته کړه، د پلانونو په جوړولو کې د کور او ښار جوړولو وزارت عمومي خیر او فلاح په پام کې نیسي او سیمه ییز خلک باید د پلان د تطبیق برخه کې خنډونه جوړ نه کړي.

هغه له ولسي خلکو وغوښتل چې قومي مشران او مخور دې د پلانونو د تطبیق برخه کې عامه پوهاوی او همکاري وکړي.

دغه راز په ناسته کې، شیخ حمدالله نعماني، د سید کرم ولسوالۍ محترم ولسوال ته د پلان د تطبیق برخه کې لازمې لارښوونې او سپارښتنې وکړې، چې په پلي کېدا سره به یې شته ستونزې هوارې شي.

د ناستې په وروستیو کې، راغلو ولسي خلکو د کور او ښار جوړولو وزارت له محترم سرپرست وزیر شیخ حمدالله نعماني مننه وکړه، چې د دوی د ستونزو د حل برخه کې یې ګټورې مشورې او حل لارې ورپه ګوته کړې.

ښاغلی مولوي حمدالله نعماني

 

7 میاشتې ago

د خپل خدای، مسلمان ملت او هېواد پر وړاندې ځان مسئول ګڼو اوخپله دنده ګڼو چې د ښاري پراختیا، اقتصادي او ټولنیزې ودې او چاپېریال ساتنې ته کار وکړو.
ژمن یوو او هڅې مو پیل کړي چې د ښار جوړولو او ځمکو وزارت په یو خدماتي او ځواب ویونکي وزارت بدل کړو چې تل به د ابادۍ او ټولګټو پروژو د پلې کولو لپاره کار کوي او دغه برخه کې به روڼتیا، هڅونې او کارموندنې ته زمینه برابره کړو.

د کور او ښار جوړولو وزارت سرپرست
wazir-image-new

تازه خبرونه

پنجشنبه ۱۴۰۳/۳/۲۴ - ۱۰:۵۱
Background image

په پکتیکا ولایت کې د تیلو د یو پمپ سټيشن له ودانیزو چارو څارنه وشوه

۱۴۴۵/۱۲/۵

د پکتیکا ولایت د کور او ښار جوړولو ریاست محترم رئیس مولوي محمد طاهر سیف الجهاد وايي، د دې ریاست تخنیکي ټیم په دې ولایت کې د تیلو د یو پمپ سټیشن له ودانیزو چارو څارنه وکړه.

ښ. . .

سه‌شنبه ۱۴۰۳/۳/۲۲ - ۱۶:۱۳
Background image

د ښاري نقشو د ویزه کولو کمېسیون په بېلا بېلو مواردو بحث وکړ

۱۴۴۵/۱۲/۴
د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني په مشرۍ د ښاري نقشو د ویزه کولو کمیسیون ناسته وکړه او پر درویشت بېلا بېلو موضوعاتو یې بحث وکړ.
پ. . .

دوشنبه ۱۴۰۳/۳/۲۱ - ۱۰:۳۲
Background image

په غزني ولایت کې د عامې روغتیا ریاست او حوزوي روغتون ته ماسټر پلان جوړیږي

۱۴۴۵/۱۲/۳

د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست د تخنیکي ټیم لخوا د غزني ولایت د عامې روغتیا ریاست او په دې ولایت کې د حوزوي روغتون. . .

BACK TO NEWS