د کور او ښار جوړولو وزیر د ابن سینا تحقیقاتي او پراختیایي مؤسسې له مسؤلینو سره وکتل
۱۴۴۵/۱۱/۲۶
د کور او ښار جوړولو وزارت محترم سرپرست وزیر شیخ حمدالله نعماني، د ابن سینا تحقیقاتي او پراختیایي مؤسسې له استازو جواد نېکزاد او عظیمي سره وکتل او پر یو لړ موضوعاتو یې خبرې وکړې.
د این سینا تحقیقاتي او پراختیایي مؤسسې استازو وویل، غواړي د پروژو د توپوګرافي، امکان سنجي، ستراتېژي، تخنیکي او په ځانګړې توګه معلوماتي ټکنالوجۍ برخه کې د کور او ښار جوړولو له وزارت سره همکاري وکړي.
دوی وویل، غواړی په ځانګړې توګه د نوي کابل ښار پر پروژې تمرکز وکړي چې له تخنیکي پلوه سمه مدیریت شي.
د کور او ښار جوړولو وزارت محترم سرپرست ویر شیخ حمدالله نعماني وویل، په یادو برخو کې یې د وزارت اړوندو ادارو او مسؤلینو ته دنده سپارلې، تر څو موضوعات هر اړخیز وڅېړي او بشپړ راپور ورکړي.
ښاغلي نعماني وویل، اړوندو مسؤلینو ته یې مسؤلیت سپارلی، تر څو په ده برخه کې یوه منظم هوکړه لیک ترتیب کړي چې تر لاسلیک کېدو وروسته به د عملي کېدا وړ وګرځي.
د کور او ښار جوړولو وزارت په یاده برخه کې د هوکړه لیک مسوده ترتیب کړې چې تر بیا کتنې وروسته به عملي بڼه غوره کړي.
