د کور او ښار جوړولو وزارت سرپرست په کابل کې د ملگرو ملتونو د مشورې دفتر له رئیس سره وکتل

۱۴۴۴/۰۹/۲۹

د کور او ښار جوړولو وزارت محترم سرپرست شیخ حمدالله نعماني، د دغه وزارت د ساختماني چارو، مسکن او زونونو پراختیا مرستیال محترم مولوي روح الله احمدي او یو شمېر مسؤلینو په شتون کې، په کابل کې د ملګرو ملتونو د مشورې دفتر (یوو، این، پي، ایس) له رئیس سره وکتل او د وزارت اړوندو ځینو پروژو په اړه یې خبرې وکړې.

د کور او ښار جوړولو وزارت سرپرست د (یوو، این، پي، ایس) دفتر رئیس او ملګري ته ښه راغلاست وویل د کور او ښار جوړولو وزارت اړوند د کابل جدید ښار ته د اوبو رسولو پروژې، چې د جاپان جایکا لخوا یې لګښت ورکول کېږي، په اړه یې خبرې وکړې.

له دغې لیدنې موخه دا وه چې څنګه کېدای شي د کابل جدید ښار ته د اوبو رسولو پروژه چې اومسهال ځنډېدلې ده، بېرته یې عملي چارې پیل او ګټې اخیستنې تنه وسپارل شي.

محترم شیخ حمدالله نعماني یادونه وکړه، چې یاده پروژه یوه ملي او حیاتي پروژه ده چې ګټه یې عام ولس ته رسېږي او په کابل کې د ملګرو ملتونو د مشورې دفتر له رئیس یې غوښتنه وکړه، چې یادې پروژې په بیا پیلولو کې له وزارت سره همکاري وکړي.

ورپسې په کابل کې د ملګرو ملتونو د مشورې دفتر رئیس د خپلو خبرو په دوام یادونه وکړه، چې د دوی د دفتر چارې عملاً روانې دي او کابل جدید ښار ته د اوبو رسولو پروژې په بېرته ژر پیلولو کې به د جاپان هېواد له سفارت او د جایکا ادارې له مسؤلینو سره خبرې وکړي.

تمه ده چې د ملګرو ملتونو د مشورې دفتر د استازو په همکارۍ به د جایکا ادارې مسؤلینو او د کور او ښار جوړولو وزارت مشرتابه ترمنځ یوه ناسته برابره شي، چې څنګه کېدای شي عام المنفعه او په ځانګړې توګه د کابل جدید ښار ته د اوبو رسولو پروژه بېرته ژر پیل او ګټې اخیستنې ته وسپارل شي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

پته: دریم مکروریان، ازادي مطبعه ته مخامخ، د کور او ښار جوړولو وزارت.