د کور او ښار جوړولو وزارت سرپرست د بدخشان ولایت د بهارک ولسوالۍ لپاره د تفصیلي پلان ارزونه وکړه
۱۴۴۴/۱۱/۱
د کور او ښار جوړولو وزارت محترم سرپرست وزیر شیخ حمدالله نعماني د بدخشان ولایت د بهارک ولسوالۍ ولسوال او د دې ولسوالۍ د ښاروال سره وکتل او د یادې ولسوالۍ د تفصیلي پلان ارزونه یې وکړه.
د بدخشان ولایت د بهارک ولسوالۍ ولسوال او ښاروال په دې ولسوالۍ کې د اوسیدونکو د ژوند پر وضعیت خبرې وکړې او هلته یې د شته ستونزو او ننګونو په اړه سرپرست وزیر ته معلومات ورکړل.
دوی زیاته کړه، د بهارک ولسوالۍ لپاره پخوانی تفصیلي پلان په اوسمهال کې د خلکو ستونزې نشي حل کولی او په وینا یې اړتیا ده چې بیا کتنه ورته وشي.
د کور او ښار جوړولو وزارت محترم سرپرست وزیر د پلان ارزونې ترڅنګ یادونه وکړه، چې اړتیا ده، څو سیمې ته هیئت ولېږي او هر څه له نږدې وګوري چې داسې پلان جوړ شي، څو ټولو شته ستونزو ته د حل برخه کې جواب ویونکی وي.
د کور او ښار جوړولو وزارت له مهمو دندو دا ده، چې د ټولو ولایتونو لپاره مناسب پلانونه چمتو کړي، ترڅو ولس ته د ژوند کولو ټولې اسانتیاوې برابرې شي.
