د کور او ښار جوړولو وزارت رهبري هئیت ناسته وکړه

۱۴۴۵/۵/۱۹

د کور او ښار جوړولو وزارت د محترم سرپرست وزیر شیخ حمدالله نعماني په مشرۍ د دې وزارت د رهبري هیئت ناسته وشوه، چې په کې پر بېلا بېلو موضوعاتو خبرې وشوې او نظرونه شریک شول.

په دغه ناسته کې د دې وزارت د ښاري چارو محترم مرستیال شیخ مدارعلي کریمي بامیاني، د مسکن، ودانیزو چارو او د زونونو د پراختیا معینیت محترم سرپرست مولوي روح الله احمدي، اړوندو رئیسانو او د ځینو ادارو امرینو ګډون کړی وو.

د ناستې له مهمو موضوعاتو یوه یې د تهیه مسکن دویم نمبر بلاک د نیمه کاره پروژې د چارو بشپړوالي لپاره پر څرنګوالي بحث و چې څنګه کېدای شي ژر تر ژره یاده پروژه بشپړه او ګټې اخیستنې  ته وسپارل شي.

په ناسته کې د کور او ښار جوړولو وزارت د مسکن، ودانیزو چارو او د زوونو د پراختیا معینیت په مشرۍ ځینې رئیسانو ته دنده وسپارل شوه چې له قرار دادي شرکت سره ناسته وکړي او د ستونزې د حل په موخه یوې پرېکړې ته ورسېږي.

د میدان وردګ ولایت په مرکز میدان ښار کې د ترمینل جوړولو پلان، د تېر حکومت څخه د نیمه کاره پروژو د چارو وضعیت او د ولایتي ریاستونو د چارو ګړندي کېدل د دې ناستې نور موضوعات وو چې بحث پرې وشو.

د کور اوښار جوړولو وزارت محترم سرپرست وزیر شیخ حمدالله نعماني، اړوند رئیسانو او مسؤلینو ته د چارو پرمختګ، کیفیت او همغږۍ په موخه لازمې لارښوونې وکړې او ښاري چارو محترم مرستیال ته یې دنده وسپارله څو له اړونده انجنیرانو او مسؤلینو سره د میدان ښار د ترمینل د پلان پر جوړېدو کار وکړي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.