د کور او ښار جوړولو وزارت د تقنیني اسنادو پر کړنلارو خبرې وشوې
۱۴۴۶/۷/۲۷
د کور اوښار جوړولو وزارت د ښاري چارو د محترم مرستیال شیخ مدار علي کریمي بامیاني په مشرۍ د تقنیني اسنادو کمیسیون د تقنیني اسنادو پر کړنلارو خبرې وکړې او نظرونه یې شریک کړي.
يه ناسته کې ښاغلي بامیاني وویل، په یوه اداره کې د قانون لیکل اساسي اهمیت لري، باید د دې وزارت د قانون محتوا، مواد او طرزالعمل په دقیق او واضیح ډول ولیکل شي او طی مراحل دې شي.
په ناسته کې د پلان او پالیسۍ محترم ریاست د تقنیني اسنادو د قانون د لیکلو طرزالعمل او مواد په مفصل ډول تشریح کړل او زیاته کړه، چې د عدلیې وزارت سره یې څو وارې د کور او ښار جوړولو وزارت د ښار جوړولو د قانون په تړاو ناستې کړي او شته ستونزې یې حل کړي دي او په طی مراحل کې پوره هڅه شوې ده.
د پلان او پالیسۍ ریاست زیاته کړه، د کور او ښار جوړولو وزارت د تقنیني اسنادو (۶۳) اسناد یې جوړ کړي دي چې د بیا کتنې لپاره چمتو دي.
د غونډې ګډونوالو خپل نظرونه شریک کړل ټینګار یې وکړ، چې اصطلاحات دې د واضیح تعریف سره په قانون کې ځای په ځای شي.
د کور او ښار جوړولو وزارت مرستیال ښاغلي بامیاني وویل، د طرزالعمل لیکلو ته دې لومړيتوب ور کړل شي او د عدلیې د محترم وزارت سره دې خبرې وشي تر څو د قانون لپاره دې منابع او ماخذونه را وپیژني.
