د کور او ښار جوړولو سرپرست وزیر د کډوالو او بیرته راستنیدونکو چارو وزارت له اداري او مالي معین سره وکتل
1444/03/17
د کور جوړولو او ښار وزارت محترم سرپرست وزیر مولوي حمدالله نعماني د کډوالو او بیرته راستنیدونکو چارو وزارت له اداري او مالي معین محترم الحاج محمد ارسلاح خروټي سره د بیرته را ستنیدونکو کډوالو ته د کورونو په برخه کې د اسانتیاو په اړه خبرې اترې کړي دي.
په یاده ناسته کې د کډوالو او بیرته راستیندونکو چارو وزارت اداري او مالي معین د کډوالو د کورونو په برخه کې د شته ستونزو په اړه خبرې وکړې او په دې برخه کې یې د همکارۍ غوښتنه وکړه.
د کور او ښار جوړولو محترم سرپرست وزیر اړوندو ادارو ته هدایت وکړ چې د کډوالو د بیرته را ګرځیدو لپاره د کورونو په برخه کې جدي کار وکړي او بیرته را ستنیدونکو کډوالو ته د اوسیدو زمینه برابره کړي.
نوموړي وویل چې د کور او ښار جوړولو وزارت د کورونو جوړولو په برخه کې د کډوالو او بیرته را ستنیدونکو چارو له وزارت سره لازمي همکاري کوي
