د کابل ښار له دوو مهمو سړکونو څخه تخنیکي څارنه وشوه

org_admin
یکشنبه ۱۴۰۴/۴/۱۵ - ۱۱:۱۷
کابل

۱۴۴۷/۰۱/۱۰

د کور او ښار جوړولو وزارت، له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ریاست اړوند تخنیکي ټیم یې د کابل ښار له دوو مهمو سړکونو څخه تخنیکي څارنه وکړه.

ښاغلی مولوي حقاني وایي، دا سړکونه، د سیلو درېیم سړک او د پل سوخته څلور لارې څخه د جمهوریت پُل تر څلور لارې پورې سړک دی، چې یوه برخه یې د درېیمې ناحیې او بله برخه یې د شپږمې ناحیې پورې اړه لري.

نوموړی وایي، د تخنیکي څار موندنې یې ښیي چې، د سیلو درېیم سړک کې، د اوبو د ایستلو کانالونه (آبروها) له محافظتي پوښونو بې ‌برخې دي، چې د باران او تیارو په وخت کې د پیاده تګ لپاره ګواښونه رامنځته کوي.

دغه راز نوموړی وایي، د کوچنیو محافظتي دیوالونو نشتوالی، بله هغه ستونزه ده چې د وسایطو د احتمالي سقوط ګواښ زیاتوي.

د ښاري تخلفاتو د مخنیوي رئیس وایي، د پُل سوخته څخه تر جمهوریت پُل سړک چې دی، د چپ اړخ پلي لارو لپاره یې هېڅ ځای نه دی مشخص شوی، چې د خلکو لپاره د تېرېدو ستونزې رامنځته کوي.

دغه راز، د مسجد شریف تر څنګ، د سړک پلنوالی ۸ متره ته راکم شوی، چې دا حالت نه یوازې د وسایطو د تګ راتګ لپاره خنډ جوړوي، بلکې د پلي لارو محدودیتونه هم زیاتوي.

ښاغلي مولوي عبدالمنان حقاني وایي، د موندل شوو تخنیکي نیمګړتیاوو او ښاري تخلفاتو له مخې، اړینه ده چې مسؤلې ادارې ژر تر ژره اصلاحاتي اقدامات پیل کړي.

ښاغلی مولوي نجیب الله حیات حقاني 

 

۱ میاشت ۱ اونی ago

د خپل خدای، مسلمان ملت او هېواد پر وړاندې ځان مسئول ګڼو اوخپله دنده ګڼو چې د ښاري پراختیا، اقتصادي او ټولنیزې ودې او چاپېریال ساتنې ته کار وکړو.
ژمن یوو او هڅې مو پیل کړي چې د کور او ښار جوړولو وزارت په یو خدماتي او ځواب ویونکي وزارت بدل کړو چې تل به د ابادۍ او ټولګټو پروژو د پلې کولو لپاره کار کوي او دغه برخه کې به روڼتیا، هڅونې او کارموندنې ته زمینه برابره کړو.

د کور او ښار جوړولو وزارت سرپرست
د کور او ښار جوړولو وزارت

تازه خبرونه

یکشنبه ۱۴۰۴/۶/۹ - ۱۴:۲
Background image

د ادرسکن ولسوالۍ د زراعتي خدماتو مدیریت د تعمیر د رغنیزو چارو برآورد ترسره شو

۱۴۴۷/۰۳/۰۷

د هرات ولایت د ښار جوړولو او کور ریاست محترم رئیس انجنیر عبدالله اکبري وایي، د دې ریاست اړوند تخنیکي ټیم د کرنې، اوبو لګولو او مالدارۍ ریاست د مکتوب پر بنسټ د ادرسکن ولسوالۍ. . .

یکشنبه ۱۴۰۴/۶/۹ - ۱۳:۴۰
Background image

د ښاري ځمکو د بیې د ټاکلو د اصولو د بیا کتنې غونډه وشوه

1447/03/07

د ښاري ځمکو د بیې د ټاکلو د اصولو د طرزالعمل د بیاکتنې غونډه د مسکن ودانیزو چارو او برنامو د پراختیا د محترم مرستیال مولوي گل زرین صابر په مشرۍ د اړوندو رئیسانو په ګډون. . .

شنبه ۱۴۰۴/۶/۸ - ۱۳:۲۸
Background image

د ګيرو ولسوالی د شهید اسدالله خادم ښوونځي له رغنیزو چارو څارنه وشوه

۱۴۴۷/۰۳/۰۶

د غزني ولایت د کور او ښار جوړولو ریاست محترم رئیس مولوي نور ولي بلال متقي وایي، د دې ریاست تخنیکي ټيم د ګيرو ولسوالی د شهید اسدالله خادم ښوونځي د ترمیم د چارو څارنه وکړه.

ښ. . .

BACK TO NEWS