د کابل ښار د ۱۷ ناحیې اړوند د تهیه مسکن پروژې څخه څارنه وشوه
۱۴۴۷/۷/۴
د کور او ښار جوړولو وزارت د ښاري سرغړونو د مخنیوي د عمومي ریاست په لارښوونه، د ښاري سرغړونو د مخنیوي ریاست د تخنیکي او عامه پوهاوي ټیمونو لخوا د کابل ښار د ۱۷ ناحیې اړوند د تهیه مسکن پروژې ساحه وڅارل شوه. د څارنې پر مهال څرګنده شوه چې د بلاک جوړونه په بنسټیز ډول بشپړه شوې، خو د بلاک ټاکل شوی حریم چې د سایت پلان مطابق و، شاوخوا ۶۰۰ متر مربع یې د ځینو ځایي اوسېدونکو لخوا اشغال شوی و.
د ټیم لخوا د اسنادو او پلان د تطبیق په اساس ساحه تثبیت او د حریم خط اچونه بیا ترسره شوهؤ چې دا کار د بلاکونو د دقیق تطبیق او د پروژې د بشپړتیا لپاره اړین و.
دغه څارنه د ښاري قوانینو د رعایت، د منظور شوي پلان مطابق د پروژې تطبیق او د احتمالي ودانیزو سرغړونو د مخنیوي په موخه ترسره شوه.
د کور او ښار جوړولو وزارت په ټولو ښارونو کې د پروژو د کیفیت، قانوني تطبیق او د ښاري نظم د ساتنې لپاره دوامداره څارنه ترسره کوي، ترڅو ټولې ودانۍ د منظور شوو نقشو او معیارونو سره سم جوړې شي.
