د کابل ښار د سړکونو شبکې د اصلاحي پلان پر سرته رسولو هوکړه وشوه

۱۴۴۵/۰۴/۲۰

د کور او ښار جوړولو وزارت محترم سرپرست وزیر شیخ حمدالله نعماني د کابل محترم ښاروال سره ولیدل او د کابل ښار د سړکونو شبکې پر اصلاحي پلان یې خبرې وکړې.

په دغه ناسته کې د کور او ښار جوړولو وزارت او د کابل ښاروالۍ یو شمېر متخصصینو هم برخه اخیستې وه.

په دغه ګډه ناسته کې، د کابل ښار د سړکونو شبکې د اصلاحي پلان په تړاو پر بېلا بېلو موضوعاتو خبرې وشوې او هر لوري خپل نظریات وړاندې کړل.

د کور او ښار جوړولو وزارت اړوند متخصصینو یادونه وکړه، چې د سړکونو شبکې په اصلاحي پلان کې دې د سړکونو عرضي مقاطع، له مناسبې ځمکې ګټه پورته کول، ترمینلونو تشخیص، د مسجدونو او د تاریخي ځایونه خوندیتوب په پام کې ونیول شي.

د کور او ښار جوړولو وزارت محترم سرپرست وزیر شیخ حمدالله نعماني د ښاري پلانونو له پلي کېدا د خوښۍ څرګندولو ترڅنګ ټینګار وکړ، چې د وزارت د متخصصینو او انجنیرانو له لوري د یادو شوو موضوعاتو په تړاو دې پاملرنه وشي.

نوموړي لازمه وګڼله چې د تاریخي ابداتو د خوندیتوب په موخه دې د کور او ښار جوړولو وزارت، د اطلاعات او فرهنګ وزارت او د کابل ښاروالۍ د متخصصینو نظریات واخیستل شي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.