د کابل ولایت سروبي ولسوالۍ کې د تېلو ټانک د جوړولو په موخه توپوګرافي سروې بشپړه شوه
۱۴۴۸/۳/۱۳
د کور او ښار جوړولو وزارت د سروې او جي ای ایس ریاست تخنیکي ټیم د کابل ولایت د سروبي ولسوالۍ اړوند د تنګي غارو په سیمه کې د یوه باب تېلو ټانک د جوړولو لپاره د ځمکې توپوګرافي سروې بشپړه کړه.
د ترسره شوې سروې پر مهال د یادې ساحې اړوند تخنیکي معلومات او د ځمکې مشخصات ثبت او تثبیت شول، د سروې شوې ځمکې ټول مساحت ۳،۰۶۸ متره مربع دی.
د دې سروې موخه د یادې ساحې لپاره د تېلو ټانک د جوړولو د پلان د ترتیب او د راتلونکو ساختماني چارو لپاره د لازم تخنیکي بنسټ برابرول دي.
د کور او ښار جوړولو وزارت د سروې اوجي ای ایس ریاست تخنیکي ټیم په هېواد کې د پراختیایي او ساختماني پروژو لپاره د اړتیا وړ سروې او تخنیکي معلوماتو د برابرولو په برخه کې خپلو چارو ته دوام ورکوي.
