د کابل دارالامان سیمه کې د نیله باغ هستوګنیزې پروژې د برېښنا او امنیت ستونزه حل شوه

۱۴۴۴/۱۱/۲۱

د کور او ښار جوړولو وزارت محترم سرپرست وزیر شیخ حمدالله نعماني د کابل په دارالامان سیمه کې د نیله باغ هستوګنیزې پروژې له نیمه کاره چارو د یو شمیر رئیسانو او د دې پروژې د مسولینو په شتون کې لیدنه وکړه.

محترم شیخ حمدالله نعماني په دې پروژه کې شته ستونزې او ننګونې په ګوته کړې او د حل په موخه یې اړوندو مسولینو ته لازمې لار ښوونې وکړې.

ښاغلي سرپرست وزیر د نیله باغ هستوګنیزې پروژې د برېښنا نشتون ستونزه حل کړه او دغه راز یې د امنیت خوندیتوب په موخه هلته مسؤل کسان وګمارل.

ښاغلي نعماني ډاډ څرګند کړ، چې د وزارت اړوند مسؤلیتونه به په خپل وخت او ښه توګه سرته ورسوي.

نوموړي زیاته کړه، دوی د الله او خپل ملت پر وړاندې ځان مسؤل ګڼي او هڅه یې دا ده چې د ولس لپاره پر وخت اغېزمن خدمات ترسره کړي.

د یادونې وړ ده چې د یادې پروژې عملي چارې په کال ( ۱۳۹۸/۰۶/۱۲) مه نېټه پیل او بیا د کرونا او ځینو لاملونو له امله په ټپه درېدلې او چارې یې نیمګړې پاتې دي.

د کور او ښار جوړولو وزارت هڅې پیل کړي، چې څنګه کېدای شي امکاناتو ته په کتو د دې وزارت اړوندې ټولې تولګټې پروژې بېرته پیل او ګټې اخیستنې ته یې وسپاري.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

پته: دریم مکروریان، ازادي مطبعه ته مخامخ، د کور او ښار جوړولو وزارت.