د ښار جوړولو او ځمکو وزارت ۴۷ عرادې موټر ترمیم او بیا ځلې فعال شول
۱۴۰۱/۰۱/۰۷
د ښار جوړولو او ځمکو وزارت محترم مالي او اداري مرستیال حافظ محمد امین د تېرې پنجشنبې ورځ د یاد وزارت د خراب شوو موټرو د ترمیم او بیا جوړولو سپارښتنه کړې وه چې دا دی په درې ورځو کې ۴۷ عرادې موټر جوړ او ګټې اخیستنې ته چمتو شول.
له تحول وروسته د ښار جوړولو او ځمکو وزارت یو شمېر موټر قسماً خراب او له کاره لوېدلي وو، چې د رهبرۍ له پرېکړې سره سم ټول بیرته ورغول شول.
ښاغلي حافظ محمد امین له ترمیم او بیا جوړ شوو موټرو څخه لیدنه وکړه او د اړوندې ادارې له کارکوونکو او مسؤلینو یې مننه وکړه چې چارې یې په چټکې پر مخ روانې کړې دي.
د ښار جوړولو او ځمکو وزارت رهبري هڅې پیل کړي چې ټولې شته ستونزې ګام په ګام او چټکۍ حل شي، تر څو د وزارت چارې پر وخت او له هر نوع خنډ پرته ترسره شي.
