د ښار جوړولو او ځمکو وزارت سرپرست له یو شمېر راغلو هېوادوالو سره وکتل
د ښار جوړولو او ځمکو وزارت سرپرست ښاغلي مولوي حمد الله نعماني د غزني ولایت د هغه پانګوالو ستونزې واورېدې چې په یاد ولایت کې یې یو ښارګوټي جوړ کړی.
راغلو کسانو یادونه وکړه چې د ښار جوړولو او ځمکو وزارت مسؤلین دې په غزني کې د حکیم سنایي ښارګوټي په اړه خپلې څېړنې وکړي او هلته د راپورته شویو ستونزو د حل په موخه دې اقدامات وکړي.
د ښار جوړولو او ځمکو وزارت ښاغلي سرپرست مولوي حمد الله نعماني راغلو کسانو ته په دې اړه لازمې لارښوونې وکړې چې څنګه کېدای شي په دغه برخه کې یې شته ستونزې حل شي.
دغه راز ښاغلي وزیر یو شمېر نورو هغه هېوادوالو ته چې له بیلا بیلو ولایتونو راغلي وو د هغوی ستونزې او غوښتنې واورېدې او د حل په موخه یې مسؤلینو ته لازمې لارښوونې وکړې.
