د ښار جوړولو او ځمکو وزارت سرپرست د ساختماني شرکتونو له مسؤلینو سره وکتل
۱۴۴۳/ ۰۸/ ۲۸
د ښار جوړولو او ځمکو وزارت سرپرست محترم مولوي حمد الله نعماني د دغه وزارت د کنفرانسونو په تالار کې د ساختماني شرکتونو له مسؤلینو سره وکتل او د ستونزو د حل برخه کې یې پر یو لړ مهمو مسایلو خبرې وکړې.
د ساختماني شرکتونو مسؤلینو د خپلو شرکتونو د فعالیتونو او په بېلا بېلو ولایتونو کې د خپلو کړنو په اړه معلومات وړاندې کړل چې له تحول مخکې یې ترسره کړي وو.
د ښار جوړولو او ځمکو وزارت سرپرست محترم مولوي حمد الله نعماني د یادو ساختماني شرکتونو د ستونزو د حل لپاره لازمې او ګټورې لارښوونې وکړې او یادونه یې وکړه چې د وزارت رهبري هڅې پیل کړي چې څنګه کېدای شي د قراردادي شرکتونو ستونزې حل کړي.
