د ښار جوړلو او ځمکو وزارت اړوند د یو شمېر ولایتي ریاستونو ستونزې او فعالیتونه و ارزول شول
۱۴۴۳/۰۹/۱۹
د ښار جوړولو او ځمکو وزارت محترم سرپرست مولوي حمد الله نعماني په خپل کاري دفتر کې د لوګر، بغلان، پکتیا او پکتیکا ولایتونو د رییسانو سره وکتل او د اړوندو ریاستونو د ستونزو د حل او فعالیتونو په اړه یې هر اړخیزې خبرې وکړې.
لومړی د یادو ولایتونو رییسانو هر یو د خپل ریاست اړوند فعالیتونه، مسؤلیتونه، ستونزې، ننګونې او هلته موجوده ښاري وضعیت په اړه بحثونه وکړل او بشپړ معلومات یې وړاندې کړل.
د ښار جوړولو او ځمکو وزارت سرپرست ښاغلي مولوي حمد الله نعماني د یادو ریاستونو د ستونزو او ننګونو د حل لپاره هغه لارې چارې په ګوته کړې چې له مخې به یې شته ستونزې حل او اسانتیاوې رامنځته شي.
ښاغلي وزیر یادونه وکړه چې په ولایتونو کې دې د ښار جوړولو او ځمکو وزارت اړوندې چارې لا ګړندۍ شي او خلکو ته دې اغېزمن خدمات وړاندې شي.
