د ښارجوړولو او ځمکو وزارت د دویمې واحدونو لپاره ښوونیز او رونیز سیمینار پای ته ورسید
۱۴۴۴/۳/۰۹
د دویمي واحدونو لپاره شپږ ورځنی ښوونیز او روزنیزسیمینار چې د ښار جوړولو او ځمکو وزارت لخوا د عامه خدمتونو په انستیتوت کې په لاره اچول شوی و، ګډون کونکو ته د تصدیق پاڼو په ور کولو سره پای ته ورسیده.
د یاد سیمینار د پای په مراسمو کې ريسان، امرین، د ښار جوړولو او ځمکو وزارت د پروژو مسؤلین او د ځینو ادارو مسؤلینو ګډون کړی و.
په دې مراسمو کې د اطلاعاتو او عامه اړیکو مسؤل محمد کمال افغان د ښار جوړولو او ځمکو وزارت محترم سرپرست وزیر مولوي حمدالله نعماني چې په یوه کاري سفر تللی و پیام ولوست.
دښار جوړولو او ځمکو وزارت محترم سرپرست وزیر مولوي حمدالله نعماني په خپل پیغام کې د عامه خدمتونو د انستیتوت د رئیس او ټولو کارکونکو د هر اړخیزې همکارۍ مننه وکړه او یاد سیمینار یې د دویمې واحدونو د ظرفیت د لوړونې په برخه کې مهم وباله او هغوي ته یې په خپلو کارونو کې د لا بریا غوښتنه وکړه.
ور پسې د اداري اصلاحاتو رئیس محترم مولوي عبدالحنان عارف الله د یادې ادارې د کارونو په اړه خبرې وکړې او دا ډول سیمینار یې د ښار جوړولو او ځمکو وزارت د دویمې واحدونو د کارکونکو د ظرفیت لوړونې په برخه کې مهم وباله.
یاد شپږ ورځنی سیمینار چې د دویمې واحدونو د غوره مدیریت، همغږي له مرکز سره، د معلوماتو د شریکولو، د قوانینو او پالیسو سر بلدتیا، دنظارت او کنترول په موخه جوړ شوی و ګډونکو ته د تصدیق پاڼو په ور کولو سره پای ته ورسیده.
