د پکتیا ولایت په بیلا بیلو ولسوالیو کې د پراختیایې پروژو له چارو څخه څارنه وشوه
۱۴۴۷/۶/۳
د پکتیا ولایت د کور او ښار جوړولو ریاست محترم رئیس مفتي عبيدالله رشاد وایي، د دې ریاست اړوند تخنیکي ټيم د لجې منګل ولسوالۍ د ادارې ودانۍ، احاطې او د څارونکو برجونو، د څمکنیو ولسوالۍ د څمکنیو عالي لېسې د تدریسې ودانۍ ودانیزو چارو، د ډنډپټان ولسوالۍ اړوند قیمتۍ په ساحه کې د جوړیدونکي مسجد شریف له کارونو،د جاني خیلو ولسوالۍ اړوند د جوړیدونکي (٣٠) بستریز روغتون د ودانۍ له چارو او همدارنګه د ډنډپټان ولسوالۍ اړوند خروټو په ساحه کې د جوړیدونکي مسجد شریف له کارونو څخه لیدنه او نظارت ترسره کړ.
ښاغلي مفتي رشاد وویل، هغه ستونزي چې په کاري ساحه کې موجودې وې، د ګډ ولایتي هیئت د غړو لخوا د کارونو د کیفیت د خوندیتوب په موخه قراردادي شرکتونو مسؤلینو او ساحوي انجنیرانو ته تخنیکي سپارښتنې وشوې،چې ټولې ودانیزې چارې د نقشې، احجامو، تدارکاتي شرطنامې او د انجینري معیارونو له مخې ترسره کړي.او همدارنګه، د پروژو د اغېزمنتیا او کیفیت د لوړولو په موخه یو لړ تخنیکي نظریات هم د نظارتي بورډ د غړو لخوا وړاندې شول.
د پکتیا ولایت د کور او ښارجوړولو ریاست تخنیکي ټیم غړي د دولتي ادارو، عامه تاسیساتو او پرمختیایي پروژو د طرحې، ډیزاین او تطبیق څارنه کوي، څو ټول رغنیز کارونه د انجینري اصولو او ملي معیارونو پر بنسټ په سمه توګه ترسره شي.
