د پکتیا ولایت د کور او ښار جوړولو ریاست د خالي بستونو لپاره ازموینه واخستل شوه.
1445/10/13
د پکتیا ولایت د کور او ښارجوړولو ریاست محترم رئیس مفتي عبیدالله رشاد وايي، د دې ریاست اړوند د شپږ خالي بستونو لپاره د غوره شوو لسګونو کسانو څخه ازموینه واخستل شوه.
د ښاغلي رشاد په وینا، د پکتیا ولایت مقام د استخدام آمر مولوي سلیمان احمدي، د ملکي خدمتونو او اداري اصلاحاتود استازو په شتون کې د غوره شویو کسانو څخه په پوره روڼتیا کې ازموینه واخستل شوه.
نوموړي زیاته کړه، د روڼتیا په موخه د ازموینې له پروسې څخه دقیقه څارنه وشوه،چې په نږدې راتلونکي کې به د وړ او بریالي شوي کسان خپلې دندې رسماً پیل کړي.