د پنجشیر پوهنتون اړوند ځمکه د پراختیایي پلان جوړولو په موخه سروې شوه
۱۴۴۵/۷/۲۱
د پنجشیر ولایت د کور او ښار جوړولو محترم رئیس انجنیر محمد فهیم نورزاد وايي، د دې ریاست تخنیکي او مسلکي ټیم په یاد ولایت کې د لوړوزده کړو وزارت اړوند ځمکه د پوهنتون د اداري او تدریسي تعمیر د رغونې په موخه سروې کړه.
محمد فهیم نورزاد وایي، د لوړو زده کړو وزارت اړوند یاده ځمکه به په معیاري ډول سره و رغول شي او مناسب ځای به د یاد تعمیر لپاره جوړ شي.
دغه راز، په دې ولایت کې د سوداګرۍ او پانګونې ریاست احاطوي دېوال هم د کور او ښار جوړولو ریاست د مسلکي ټیم له خوا براورد او د لګښت سنجش یې وشو.
د کور او ښار جوړولو وزارت د دولتي ادارو په غوښتنه د دولتي ادارو لپاره د تعمیرونو ساختماني نقشې جوړوي، له رغنیزو چارو یې څارنه کوي، تر څو یې چارې په مهندسي اصولو برابرې تر سره شي.
