د پل پاچا او شینه پله د ساختماني پروژې انوایسونو په اړه خبرې وشوې
۱۴۴۴/۰۳/۲۲ د کور او ښار جوړولو وزارت سرپرست محترم مولوي حمدالله نعماني په مشرۍ د کابل محترمې ښاروالۍ، د مالیې محترم وزارت، د اقتصاد محترم وزارت او د کلیو بیارغونې او پراختیا محترم وزارت د استازو په شتون کې د پل پاچا او شینې پله د ساختماني پروژې انوایسونو په اړه هر اړخیزې خبرې وشوې. په دغه ناسته کې د کور او ښار جوړولو وزارت محترم سرپرست مولوي حمدالله نعماني د یادو پروژو په تړاو ټول مخکیني مکتوبونه او حسسابي فورمونه وکتل او لارښوونه یې وکړه چې په مالیې وزارت او کابل ښاروالۍ کې د یادو پروژو په تړاو ټول شته اسناد دې وکتل شي او له هغې وروسته به وروستۍ پرېکړه وکړي.
