د پانګونې او پراختیا پر لور یو بل ګام

۱۴۴۵/۰۶/۱۸

د کور او ښار جوړولو وزارت محترم سرپرست وزیر شیخ حمدالله نعماني په خپل کاري دفتر کې له محترم پانګوال غلام صدیق وحیدیار سره وکتل.

په دغه کتنه کې، د کور او ښار جوړولو وزارت په اډانه کې د پانګونې او پراختیا په تړاو بحث وشو.

ښاغلي پانګوال غلام صدیق وحیدیار وویل، غواړي د کابل نوي ښار په داخل کې د یو ستر روغتیایي کمپلیکس جوړولو په موخه پانګونه وکړي، چې خدماتي، روزنیز او هستوګنیزه ساحه به په کې شاملې وي او په وینا یې ورسره به ګڼ شمېر کسانو ته د کار او خدمت کولو زمینه برابره شي.

نوموړي د دغې چارې ترسره کولو په موخه د کابل په نوي ښار کې د (۴۵) جریبه ځمکې ترلاسه کولو غوښتنه وکړه.

د کور او ښار جوړولو وزارت محترم سرپرست وزیر شیخ حمدالله نعماني، په افغانستان کې د پانګونې په موخه له ښاغلي وحیدیار مننه وکړه او ډاډ یې ورکړ، چې د یادې چارې ترسره کولو په موخه به ورسره هراړخیزه همکاري وکړي.

ښاغلي نعماني وویل، لومړی دې یو پروپوزل چمتو کړل شي، له عامې روغتیا محترم وزارت سره دې شریک کړل شي، چې د هغوی له رضایت وروسته به یې د عملي چارو پیلولو په موخه اقدامات وشي.

نوموړي، له پانګوال وحیدیار غوښتنه وکړه، تر څو ساحه له نږدې وګوري، چې بیا به د پاتې چارو پرمختګ په موخه بله ناسته کې خبرې وکړي.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/profile.php?id=100087195086592

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.