د هرات په ګذره ولسوالۍ کې د ۳۰۰ جریبه دولتي ځمکې تثبیت ترسره شو
۱۴۴۷/۱/۲۸
د هرات ولایت کور او ښرا جوړولو ریاست محترم رئیس انجنیر عبدالله اکبري وایي، د ګذره ولسوالۍ په پشت کوه ملا یاسین سیمه کې د ۳۰۰ جریبه امارتي (دولتي) ځمکې د تثبیت چارې د ۴۰ میګاواټه سولري برېښنا د تولید پروژه لپاره ترسره شوې.
ښاغلي انجنیر اکبري وویل، یاد تثبیت د بریشنا شرکت د وړاندیز او د ولایت محترم مقام د هدایت پر بنسټ، د یو ګډ پلاوي له خوا ترسره شو، دغه پلاوی د مستوفیت، د اطلاعاتو او فرهنګ ریاست، د ولایت مرستیال ریاست، او بریشنا شرکت استازو څخه جوړ شوی و.
د نوموړي په خبره، پلاوی د یادې ځمکې تثبیت ترڅنګ، اړوند جغرافیوي مختصات (کوردینات) او انځورونه هم راټول کړل، څو د راتلونکو اجراآتو لپاره اسناد بشپړ شي.
د یادولو ده، د تثبیت چارې د بریښنا شرکت د مهمې انرژۍ تولیدي پروژې د بنسټ لپاره یوه مهمه مرحله بلل کېږي.
