د نوي کابل ښار د ام ـ اې (۲۰) سړک د جوړولو چارې روانې دي
۱۴۴۸/۴/۲۲
د کور او ښار جوړولو وزارت اړوند د نوي کابل ښار د پراختیا عمومي ریاست تر مدیریت او تخنیکي څارنې لاندې، د نوي کابل ښار په محدوده کې د ام ـ اې (۲۰) سړک د جوړولو چارې د منظور شوي پلان له مخې په چټکۍ سره روانې دي.
یاد سړک ۱۸ متره پلنوالی او ۳۷۸۱ متره اوږدوالی لري او د نوي کابل ښار د ترانسپورتي شبکې له مهمو برخو څخه شمېرل کېږي.
اوس مهال د سړک د جوړولو په ساحه کې د ځمکې د کیندنې، ویالو جوړولو او د سړک د ځمکې د هوارولو او برابرولو چارې روانې دي، چې ټول فعالیتونه د ټاکل شوو تخنیکي معیارونو له مخې ترسره کېږي.
د نوي کابل ښار د پراختیا عمومي ریاست تخنیکي معاونیت او اجرائیوي مسؤلین د پروژې د عملي چارو بهیر له نږدې څاري، څو چارې پر ټاکلي مهال او د منظور شوي پلان او تخنیکي معیارونو سره سم پرمخ ولاړې شي.
د یاد سړک په بشپړېدو سره به د نوي کابل ښار د اوسنیو او راتلونکو پراختیايي سیمو لپاره د تګراتګ اسانتیاوې پراخې او د ښار د ترانسپورتي شبکې په پیاوړتیا کې به مهم رول ولري.
