د میدان ښار د مسافرو د ترمینل د دویمې برخې د تخنیکي اسنادو بشپړولو باندې ټینګار وشو
۱۴۴۷/۱/۱۷
د کور او ښار جوړولو وزارت د مسکن، ودانیزو چارو او برنامو د پراختیا د معینیت سرپرست،دیپلوم انجنیر عبدالحمید آرین، د میدان ښار د مسافر وړونکي ترمینل د پروژې دویمې برخې د تخنیکي اسنادو د بشپړولو په اړه ناسته وکړه ، چې په دې ناسته کې د وزارت اړوند ریاستونو رئیسان او آمرین ګډون درلود.
ښاغلي آرین په خپلو خبرو کې وویل اړینه ده چې د یادې پروژې ټول تخنیکي اسناد په چټکۍ سره بشپړ او د راتلونکو پروژو د پړاوونو لپاره چمتو شي.
نوموړي د پروژې د انسجام ریاست او د اقتصادي زونونو د ریاست مسؤلینو ته لارښوونه وکړه چې په ګډه همکاري وکړي او د تخنیکي اسنادو د بشپړولو چارې په منظمه توګه پرمخ یوسي.
د غونډې ګډونوالو راپور ورکړ چې د پروژې د کریدینګ پلان، ساحوي سروې او ځینو نورو برخو کار بشپړ شوی، خو تفصیلي پلان او د زیربنا اړوند اسناد لا تر اوسه بشپړ شوي نه دي.
په پای کې په ناسته کې د رحمان مېنې، استقلال، تهیه مسکن او هیوادوال پروژو په اړه هم خبرې وشوې او اړوند مسؤلینو خپل نظریات شریک کړل.
