د مسکن د وجهي صندق د مادو د غني کولو په موخه مشورتي ناسته وشوه
۱۴۴۶/۳/۱۳
د کور او ښار جوړولو وزارت د مالي او اداري معین محترم محمد ارسلاح خروټي په مشرۍ د مسکن د وجهي صندق د اساسي نامې د مادو په اړه مشورتي ناسته تر سره شوه چې په دې اړه نظرونه شریک شول.
ښاغلي خروټي وویل، د مسکن لپاره د وجهي صندق موضوع له مهمو موضوعاتو څخه ده، ټینګار یې وکړ، چې د وجهي صندق د مادو غني کولو ته باید جدي پاملرنه وشي، ځکه چې د دې له مخې به ګټورې پریکړې کیږي او همدراز به په راتلونکې کې د مسکن په برخه کې ښه جواب ویونکی وي.
په دې ناسته کې ګډونوالو د مسکن د وجهي صندق پر مادو خپل نظرونه شریک کړل، زیاته یې کړه چې د دې اساس نامې د مخ لیکل دې یو ځل بیا اړوندو ریاستونو ته واستول شي تر څو خپل نظرونه شریک او ټول معلومات دې بلې غونډې ته د وروستۍ پریکړې لپاره راوړل شي.
د یادولو ده، چې د مسکن د ملي وجهي صندق د اساس نامې جوړول د مسکن په برخه کې ډیر ګټور تمامیږي چې د مسکن جوړولو، د بیځایه شوو او بیرته راستندیونکو کډوالو، د مسکن په برخه د خرڅلاو د حیل اومیل کولو او د پانګوالو په هڅونه کې ډیر ګټور تمامیږي.
