د لوګر پوهنتون د نړېدلي دیوال د بیا رغونې چارې د نږدې وڅارل شوې
۱۴۴۷/۶/۲
د لوګر ولایت د کور او ښار جوړولو ریاست محترم رئیس مولوي زاهد وايي، د دې ریاست تخنیکي ټیم د لوګر پوهنتون د هغه دیوال د ترمیم بهیر له نږدې وڅاره، چې د سختو سېلابونو له امله د پوهنتون د شمالي برخې په امتداد نړېدلی و.
ښاغلي مولوي زاهد وویل، ګډ پلاوی چې د لوګر ولایت مقام، د کور او ښار جوړولو ریاست، د اقتصاد ریاست او د ټولګټو چارو ریاست استازې پکې شامل ول د بیا رغونې د کارونو کیفیت، د نقشي تطبیق او د معیاري موادو د کارونې څرنګوالی وارزاوه.
د نوموړي په خبره، چې د یاد دیوال بیا رغونه د لوړو زده کړو وزارت د ځانګړې بودیجې له مخې عملي کېږي او تخنیکي ټیمونه هڅه کوي چې دا پروژه د لازم دقت، معیاري او لوړ کیفیت سره بشپړه شي، څو د پوهنتون د امنیت ساتنې، محوطې د خوندیتوب او د چاپېریال د تنظیم لپاره یو پایدار جوړښت رامنځته شي.
لوګر پوهنتون د ولایت مهم تعلیمي بنسټ دی چې د ساتنې تاسیساتو پیاوړتیا ورته حیاتي ارزښت لري.
