د لوګر په عبدالله بن مسعود (رض) جامع جومات کې د سیوري چت د جوړولو چارې ۹۵ سلنه بشپړې شوې
۱۴۴۸/۱/۲۱
د لوګر ولایت د کور او ښار جوړولو ریاست د انجینري ټیم د عبدالله بن مسعود (رض) جامع جومات د سیوري چت د جوړولو له چارو څارنه وکړه، چې د دې سیوري چت د جوړولو چارې ۹۵ سلنه بشپړې شوې دي.
یاد جامع جومات د لوګر ولایت د ارشاد، حج او اوقافو ریاست په انګړ کې موقعیت لري، چې د سیوري چت د جوړولو پروژه د همدغه ریاست له پراختیایي بودجې څخه تمویلېږي.
د لوګر ولایت د کور او ښار جوړولو ریاست د یادې پروژې د تطبیق له بهیر څخه دوامداره تخنیکي څارنه کوي، ترڅو چارې یې د منظور شويو تخنیکي معیارونو او ټاکل شوې طرحې سره سم بشپړې او د ګټې اخیستنې لپاره چمتو شي
