د فارياب د ښار جوړولو رياست اداري ودانۍ ورغول شوه
ښار جوړولو او ځمکو وزارت د فارياب ولايت په ميمنه ښار کې د ښار جوړولو رياست اداري ودانۍ د جوړولو چارې بشپړې کړې او ګټې اخېستنې ته يې وسپارله.
دا ودانۍ په ۲۱۸ متر مربع ځمکه کې په دوه پوړيز ډول چې ۱۱ کاري خونې، ۲ پخلنځايونه او ۷ عصري تشنابونه لري، د دولت له انکشافي بوديجې څخه په ۱۶ ميلیونه افغانيو ورغول شوه.
ښار جوړولو او ځمکو وزارت په ولايتونو کې د دولتي او عامه ودانيو په جوړولو سره هڅه کوي چې په ادارو کې د مناسبې کاري چاپېريال په رامنځته کولو سره شته ستونزې حل او له همدې لارې خلکو ته د خدماتو په رسولو کې اسانتياوې رامنځته کړي.
