د غزني په جاغوري ولسوالۍ کې د فیضیه ښوونځي د تعمیر له رغنیزو چارو څارنه وشوه
۱۴۴۴/۱۱/۲
د غزني ولایت د کور او ښار جوړولو ریاست د دغه ولایت په جاغوري ولسوالۍ کې د فیضیه ښوونځي د تعمیر له رغنیزو چارو د ښه کیفیت او کمیت په موخه څارنه وکړه.
د یاد ولایت د څارنې ټیم د دې تعمیر د جوړولو د کیفیت او کمیت، کارنکریټ اچونې او خشتکارۍ له چارو څارنه وکړه.
د غزني د کور او ښار جوړولو ریاست د معلوماتو پر بنسټ،د یاد ښوونځي رغنیزې چارې 40 سلنه مخته تللي دي.
دغه راز د څارنې د ټیم له خوا قراردادي شرکت ته سپارښتنه وشوه، چې رغنیزې چارې د شرط پاڼې په نظر کې نیولو سره په نړیوال سټنډرډ او انجنیري اصولو سره سم سرته ورسوي.
