د غزني ولایت په قره باغ ولسوالۍ کې د تېلو د یو پمپ سټېشن ساحه سکېچ شوه
۱۴۴۵/۸/۲
د غزني ولایت د کور او ښار جوړولو محترم رئیس مولوي نور ولي بلال متقي وايي، د دې ریاست تخنیکي ټیم د تېلو د یو باب پمپ سټېشن د جوړلو په موخه د غزني په قره باغ ولسوالۍ کې ساحه سکیچ کړه.
نوموړي زیاته کړه، د دې ریاست تخنیکي ټیم د اړوندو ادارو له استازو سره په ګډه چې د سروې لپاره ساحې ته تللي وو، د تېلو د یو باب پمپ سټېشن د جوړولو په موخه یې د سیمې حدود او مساحت معلوم کړل.
د کور او ښار جوړولو وزارت د تېلو او ګازو د معیاري پمپ سټېشنونو جوړولو په موخه د سیمو سروې او معیاري سکېچ کوي، او له خپل سریو مخنیوی کوي.
