د غالیو اوبدلو ښارګوټي د بیارغولو پروژې پر څرنګوالي خبرې اترې وشوې

۱۴۴۴/۰۷/۱۶

د کور او ښار جوړولو وزارت د ښاري چارو محترم مرستیال شیخ مدار علي کریمي بامیاني له اړوندو رییانو او مسؤلینو سره په ناسته کې خبرې وکړې، چې څنګه کېدای شي د غالیو اوبدلو هستوګنیز او صنعتي ښارګوټو پروژې بیا رغونه وکړي.

په ناسته کې لومړی د غالیو اوبدلو هستوګنیز او صنعتي ښارګوټو پروژې مسؤل د یادو پروژو په تړاو هر اخیز معلومات وړاندې کړل او زیاته یې کړه، چې یادې پروژې له غالیو اوبدونکو څخه د حکومت د ملاتړ او همکارۍ او د دغه صنعت د ودې او پراختیا په موخه رامنځته شوي دي.

هغه وویل، د غالیو هستوګنیز او صنعتي ښارګوټي په کابل، ننګرهار، بلخ او کندوز ولایتونو کې جوړېدل، چې لومړنۍ چارې، بیخ بناء، او د انجنیرۍ چارې یې مخکې بشپړې شوې دي.

د ښاري چارو محترم مرستیال شیخ مدار علي کریمي بامیاني یادې پروژې مهمې او ګټورې وبللې او زیاته یې کړه، چې د غالیو اوبدلو صنعت او سوداګري د هېواد مهم صادرات دي، چې په وینا یې د دې صنعت له ودې سره به افغانستان کې د بې روزګارۍ او فقر کچه راکمه شي.

نوموړي د یادو پروژو مسؤلینو ته لارښوونه وکړه، چې د بیا رغولو برخه کې یې مهم او اړین ګامونه پورته کړي او په وینا یې اوسنیو شرایطو ته په کتو دې د ځمکې بیه دې تعین شي.

____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

پته: دریم مکروریان، ازادي مطبعه ته مخامخ، د کور او ښار جوړولو وزارت.