د شاه او عروس بند د استملاک رپوټ د پایلې په اړه د کابل په ولایت کې د همغږۍ غونډه ترسره شوه
دا غونډه د کابل والي محمد یعقوب حیدري په مشرۍ او د ښار جوړولو او ځمکو وزارت د ځمکوچارو معین ښاغلی ګل الرحمن توتاخیل، د اوبو تنظیم ملي ادارې مشر ښاغلی خان محمد تکل او د یو شمېر سکتوري ادارورئیسانو او مسوولینو په ګډون جوړه شوه.
په سر کې، د ښار جوړولو او ځمکو وزارت د ځمکوچارو معین ښاغلی ګل الرحمن توتاخیل د شاه او عروس بند د استملاک په اړه بشپړ معلومات وړاندې کړل او زیاته یې کړه چې د جلالتماب جمهور رئیس د لارښوونې سره سم یاد وزارت د شاه او عروس بند د استملاک چارې په دوو پړاوونو کې په پوره ایمانداری او دقت پای ته رسولي دي.
د ښار جوړولو او ځمکو وزارت د ځمکوچارو معینزیاته کړه چې د بند په شاوخوا سیمو کې د جایدادونو استملاک او د متضررینو د جبارن خسارې په تړاو تفصیلي راپور ترتیب شوی چې په راتلونکي کابینه غونډه کې به جلالتماب جمهور رئیس ته وړاندې شي.
وروسته،د اوبو تنظیم ملي ادارې مشر ښاغلی خان محمد تکل، د کمال خان، کجکي او شاه او عروس بندونو د استملاک په اړه د ښار جوړولو او ځمکو وزارت هڅې وستایلې او د چارو په لا چټکتیا او ژر پای باندې ټینګار وکړ.
په همدې ترتیب، د کابل والي ښاغلی محمد یعقوب حیدري د بند شاه او عروس د پروژې په اړه د ښکیلو ادارو د اجرااتو ستاینه وکړه، او د ستراتیژیکو اهدافو او ملی ارزښتونو په پام کې نیولو سره یې د لویو پراختیایی او بنسټیزو پروژو د پلی کولو په برخه کې د حکومتسکتوری ادارو پر زیاتپاماو کار ټینګار وکړ.
د غونډې په پای کې د ښاغلی ګل الرحمن توتاخیل د اوبو تنظیم ملي ادارې د مشرتابه وغوښتل ترڅو د زیربنایي پروژو د چارو د چټکتیا په موخه استملاکي موضوعات دې ژر تر ژره له ښار جوړولو او ځمکو وزارت سره شریک کړي.
