د سیدآباد ولسوالۍ د مسجد شریف پروژې څخه څارنه وشوه
۱۴۴۷/۰۲/۱۱
د میدان وردک ولایت د کور او ښار جوړولو ریاست محترم رئیس مولوي عبالقیوم سیف العمر وايي، د دې ریاست اړوند تخنیکي ټيم د سیدآباد ولسوالۍ د مسجد شریف پروژې څخه څارنه ترسره کړه.
ښاغلي مولوي سیف العمر وویل، د څارنې پر مهال څرګنده شوه چې د مسجد شریف د منارونو پلسترکاري چارې د نقشې سره سم په منظمه توګه روانې دي او همدارنګه، د احاطوي دېوال د شمال لوري د خښتو او انګاف کارونه په ښه ډول پرمخ روان دي، چې د مسجد شریف د محراب ګول بیمونو سیخ بندي، قالب کاري او کانکریټ اچونې چارې بشپړې شوې دي.
د نوموړي په خبره، د مسجد شریف د عمومي دروازو د ګول پایو د بیمونو پلسترکاري چارې هم بشپړې شوې دي او د منځنۍ برخې د کاشي کارۍ اړینې چارې روانې دي او همداراز سربېره پر دې، په پروژه کې د کيورنګ چارې هم دوام لري.
د یادولو وړ ده، چې یاده څارنه د دې لپاره ترسره شوې چې د کار کیفیت او د نقشې سره د سمون ډاډ ترلاسه شي.
