د سولې پروژې (پنځم مکروریان) د ستونزو حل او د کار پر څرنګوالي خبرې وشوې

۱۴۴۴/۱۲/۲۵

د کور او ښار جوړولو وزارت په غوښتنه او د ا.ا.ا د ریاسة الوزرا په لارښوونه په کابل کې د سولې (پنځم مکروریان) پروژه کې د شته ستونزو او ننګونو د حل په موخه ناسته وشوه.

په دغه ناسته کې د کور او ښار جوړولو وزارت محترم سرپرست وزیر شیخ حمدالله نعماني، د عدلیې محترم وزارت، د چارو محترمې ادارې، د ملي پراختیا محترم شرکت، او د تفتیش محترمې عالي ادارې استازو او دغه راز د سولې پروژې له ښاغلو شریکانو سره د دې پروژې د ستونزو د حل او د کار پر څرنګوالي خبرې وکړې.

د کور او ښار جوړولو وزارت محترم سرپرست وزیر وویل، موخه دا ده، چې څنګه کېدای شي د یادې پروژې ستونزو ته د حل لارې چارې ولټول شي او کار بیرته ژر پیل شي.

محترم وزیر وویل، په دې پروژه کې ډیرې حقوقي او تخنیکي ستونزې شته او اړتیا ده چې په ګډه ورته حل لارې پیدا شي.

ښاغلي نعماني وویل، د ټولو راغلو ادارو استازې دې د یادې پروژې شته اسناد په دقیقه توګه وګوري، ستونزې او ننګونې دې په ګوته کړي او د حل په موخه دې وړاندیزونه هم وکړي.

د کمېټې له حل لارو موندلو او وړاندیزونو وروسته به بشپړ راپور د ا.ا.ا ریاسة الوزرا محترم مقام ته وړاندې شي او وروستی تصمیم به هغوی نیسي.

د یادونې وړ ده چې د پنځم مکروریانو د پروژې عملي چارې په کال ۱۳۹۴ کې پیل شوې، چې هغه مهال ټاکل شوې په دوه کالونو کې یې چارې بشپړې شي، خو د حقوقي او تخنیکي ستونزو له کبله یې چارې په ټپه ودرېدې.

_____________________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.