د خواف – هرات د اورګاډي پټلۍ څلورمې قطعې دویم فاز په مسیر کې د ۵٫۱۵۵ جریبه ځمکې د مالکیت حق تثبیت چارې بشپړې شوې
په یاد مسیر کې د مالکیت حق تثبیت شوې ځمکې له ډلې۴۶۳۱ جریب ځمکه د څړځایونو، د سیند او ویالو حریم، دولتي ځمکه او ۵۲۴ ځمکه هم د خلکو شخصي ملکیت دی چې تثبیت شوې ده.
د خواف – هرات ریلۍ پټلې څلورمې قطعې دویم فاز د هرات ولایت رباط پریان، ده سرخ زنده جان، کشک باد صبا، خواجه ها، قلعه نوک انجیل، رباط افغانان، فیص اباد، سفرخان، کبوتر خان، کوپک، ماهیان او ګاو سیاه زنده جان له سیمو پیل او د هوايي ډګر په جنوب «هرات ولایتی استیشن» کې پایته رسیږي.
د دې پروژې له تطبیق سره، افغانستان د لومړي ځل لپاره د ریل پټلې خاوند کېږي او د ایران سراسري ریل پټلۍ شبکې له لارې، د ترکیې – اروپا ریل پټلۍ او په فارس خلیج کې د ایران بنادرو ته لار پیدا کوي.
د خواف – هرات ریلۍ پټلۍ طرحه د ۱۳۸ کیلومتره په اوږد والي سره په څلورو قطعو کې تعریف شوې چې دوه قطعې یې د ایران په خاوره کې د ۷۶ کیلومتره په اوږد والي سره تکمیل شوې او پاتې ۶۲ کیلومتره یې د افغانستان په خاوره کې د کار لاندې ده.
