د بدخشان پوهنتون د ښوونې او روزنې پوهنځي د بیا رغونې چارې وارزول شوې
۱۴۴۴/۰۵/۱۰
د بدخشان ولایت د کور او ښار جوړولو ریاست د دغه ولایت د پوهنتون د ښوونې او روزنې د پوهنځي د بیارغونې چارې و ارزولې.
د یاد تعمیر د بیارغونې چارې د قرارداد له مخې بشپړې شوې دي او ټولې درسي خونې، سالونونه او د تعمیر بیرونۍ برخه رنګ شوې ده، چې اوسمهال د زده کړو لپاره مناسب ځای بلل کېږي.
د کور او ښار جوړولو وزارت په دوامداره توګه له دغو پروژو څارنه او پاملرنه کوي؛ ترڅو په ساختماني پروژو کې د احتمالي سرغړونو مخنیوی وشي.
