د بامیان پوهنتون د پلې لارو او ویالو له ودانیزو چارو څارنه وشوه
۱۴۴۶/۴/۱۸
د بامیان ولایت د کور او ښار جوړولو ریاست محترم رئیس انجنیر امان الله امان وایي، د دې ریاست د تخنیکي ټیم لخوا د پوهنتون د پلې لارو او ویالو د پروژې له چارو څارنه تر سره شوه.
ښاغلي انجنیر امان وویل، په دې پروژه کې په پلې لارو کې د تیږو فرشول، د ویالو کانکریټ اچول او استنادي دیوالونه شامل دي، چې (۱۶۰۰) متره اوږدوالي لري.
د نوموړي په خبره د یادې پروژې قراردادي شرکت ته لازمي سپارښتنې وشوې تر څو چارې د نقشې مطابق په ټاکلي وخت تر سره کړي.
